Բերդավանում երկու եղբայրներ կացնով կռիվ են տվել համագյուղացու հետ
 Տավուշի մարզի ընդհանուր իրավասության դատարանում Ռաֆիկ Մելքոնյանի նախագահությամբ սկսվում է Երվանդ և Արթուր Թորոսյանների գործի դատավարությունը: 34-ամյա Երվանդն ու 31-ամյա Արթուրը հորեղբոր որդիներ են: 2013 թվականի հուլիսի 5-ին, ժամը 21-ն անց 30-ի սահմաններում նրանք, ըստ մեղադրանքի, գտնվելով ոգելից խմիչքի ազդեցության տակ, Տավուշի մարզի Բերդավան գյուղի 14-րդ փողոցում շուրջ 30 րոպե վիճաբանել են նույն գյուղի բնակիչ Սարգիս Սևինյանի հետ: Հավաքված մարդկանց ներկայությամբ նրանք տվել են հայհոյանքներ, ձեռքերով ու ոտքերով հարվածներ են հասցրել Սարգիս Սևինյանի դեմքին ու մարմնի տարբեր մասերին՝ պատճառելով մարմնական վնասվածքներ: Երվանդ Թորոսյանը մոտակա տան բակից վերցրել է կացինը, Սևինյանին վնասելու սպառնալիքով գնացել նրա ուղղությամբ, բայց գյուղացիներից՝ Վաչագան Քարիմյանը կացինը խլել է Երվանդի ձեռքից: Նույն տան բակից Արթուր Թորոսյանն էլ մի մետաղե խողովակ է վերցրել, այն որպես զենք գործադրելով՝ նետել է ճանապարհին հավաքված մարդկանց ուղղությամբ: Նետված խողովակը դիպել է Աիդա Սևինյանի ոտքին ու պատճառել կյանքին վտանգ սպառնացող ծանր վնաս: Երվանդ և Արթուր Թորոսյաններին մեղադրանք է առաջադրվել զենքի գործադրմամբ կատարված խուլիգանության համար՝ ՀՀ քրեական օրենսգրքի 258 հոդվածի 4-րդ մասով, իսկ Արթուր Թորոսյանին՝ նաև դիտավորությամբ ծանր մարմնական վնասվածք պատճառելու համար՝ ՀՀ քրեական օրենսգրքի 112 հոդվածի 1-ին մասով: | |
|
| |
| Մեկնաբանություններն ընդամենը՝: 1 | ||
| ||
